Жаңалықтарды Telegram арнамыздан оқыңыз!Ақтауда заңсыз салынып жатқан 28 ғимарат сүрілмек. Құрылысты тоқтатып, бұзу жөнінде соттың шешімі шықты. Бұған дейін 3 бірдей нысан сүрілген болатын. Бүгін тағы да заңсыз салына бастаған бір тұрғын үй кешенінің құрылысы тоқтатылды.
Аягөз Оралбайқызы, тілші:
Сот шешімімен сүріліп жатқан құрылыс 19-шағын аудан 12-учаскеде орналасқан. Мұнда көп қабатты тұрғын үй кешені салына бастапты. Ірге тасы қаланып жатқан нысан қазір сүріліп жатыр. Себебі, нысан заңсыз деп танылған. Бұған дейін қалада өндірістік аймақта орналасқан қонақ үйдің құрылысы сүрілді. Сондай-ақ жұмыс жобасы, сараптама қорытындылары жоқ бола тұра басталған 2 бірдей тұрғын үйдің құрылысы бұзылды. Нысан иелеріне құзырлы орган тарапынан бірнеше ескерту берілген. Алайда, талап орындалмай, сот шешімімен, мәжбүрлі түрде құрылысты тоқтатуға тура келген. Бүгінде Ақтауда 28 заңсыз құрылысты бұзуға сот шешімі шықты. Өткен жылы да 120 нысанның иесі жауапкершілікке тартылып, 90 миллион теңге айыппұл салынған еді.
Аягөз Оралбайқызы
