Солтүстік Қазақстан облысындағы 7 ауданда, 21 елді-мекен жарықсыз отыр. Электр желілеріндегі ақауды жою үшін көршілес Ақмола облысынан мамандар шақырылды. Аймақта 18 қараша күні боран болып, электр сымдары үзіліп, бағандар құлаған еді. 183 елді мекен жарықсыз қалды. Желілер біртіндеп қалыпқа келтірілуде. Алайда мәселе 5 күннен бері толық шешімін таппай отыр. Кей аудандарға электр қуаты көршілес Ақмола облысынан, Ресейден тасымалдануда.
Бүгін таңертең 36 ауылда жарық жоқ екені анықталған. Жүргізілген жұмыстардың нәтижесінде елді-мекендердің саны 21-ге қысқарды. Жағдай әлі де күрделі.
Эльмира Кәленова
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Солтүстік Қазақстанда 7 ауданның тұрғындары әлі жарықсыз отыр&mh_tags=Qazaqstan&mh_page=https://qazaqstan.tv./news/185153/)