Жаңалықтарды Telegram арнамыздан оқыңыз!АҚШ-тың Лос- Анджелес қаласында қазақ мәдени орталығы жұмыс істеп тұр. Ресми «Калифорния қазақ коммюнити» деп аталған қауымдастық отандастарымыздың бас қосатын қара шаңырағына айналды. Осы шаһардағы қазақтарының туған тіл, мәдениет пен салт-дәстүрден ұмытпауына үлес қосып отыр. Мұнда аптасына бір рет қазақ тілі, домбыра, би және спорт сабақтары өтеді. Тегін. Ал бала саны аз емес. Себебі Лос-Анджелес пен маңайдағы қалаларда шамамен 500-ге жуық қазақ отбасы бар. Қазір қазақ қауымдастығының негізгі жұмысы балаларға арналған. Сабақтардан бөлек, түрлі ойындар, саябақтарда кездесулер де ұйымдастырылады.
Раушан Мұхтар, «Калифорния қазақ коммюнити» қауымдастығының төрайымы:
Қазақтарды жинап жүргенбіз. Үйде жиналып жүрдік. Бірақ үйге симайтын болдық. Сосын осындай орталық құру туралы ой келіп, ақыры ашылды. Себебі осындай балалар қазақша сөйлессе, араласса дедік. Әйтпесе тілдері ағылшыншаға ауысып кетеді.
Жалғас Сәдібекұлы
