Атырау облысында жекеменшік компания ұзындығы 200 метрден асатын газ құбырын төмендетілген бағамен және заңсыз сатып алған. Бұл дерек Бас прокуратура жүргізген тексеру кезінде анықталды. Премьер-Министр Әлихан Смайыловтың төрағалығымен өткен Экономиканы демонополизациялау жөніндегі комиссия отырысында тауарлық газды тасымалдау саласындағы заңсыз иемденілген активтерді қайтару мәселесі қозғалды. Талқылау нәтижелері бойынша комиссия газ құбырын беру жөніндегі мәмілені жарамсыз деп танып, материалдарды сотқа жолдау туралы шешім қабылдады. Алдағы уақытта оны өңірдегі ірі кәсіпорындарды газбен қамтамасыз ету үшін пайдалану жоспарланып отыр.
Оңғар Алпысбай
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Заңсыз сатылған газ құбыры мемлекетке қайтарылады&mh_tags=Qazaqstan&mh_page=https://qazaqstan.tv./news/185550/)