Жаңалықтарды Telegram арнамыздан оқыңыз!
Газа секторынан Қазақстанның барлық азаматы эвакуацияланды. Бұл туралы Сыртқы істер министрі Мұрат Нұртілеу мәлімдеді. Қақтығыс өршіген аймақтан бүгінде 127 отандасымыз оралды. Ал бір жерлесіміз отбасы мүшелерімен Газа аумағында қалған. Олар эвакуациялаудан бас тартты. Министрлік Таяу Шығыстағы жағдайды бақылап отыр. Егер қазақстандықтардан елге қайтуға өтініш түссе, көмектесуге дайын отыр. Ал Израиль Газа секторында әскери операциясын жалғастырып жатыр. Палестиналық анклавта қаза тапқандар саны 18 мыңнан асты.
