Жаңалықтарды Telegram арнамыздан оқыңыз!Өзбекстанда АИ-80 маркалы бензинді пайдалануға тыйым салынбақ. Сондай-ақ көмір мен мазут жағуды шектеу қолға алынып жатыр. Мұның барлығы ауаның тазалығын қорғау мақсатында жасалған шаралар. Базаркүл Отыншиева жалғастырады.
Базаркүл Отыншиева, тілші:
Экология министрлігі «Еуро-4» стандартынан төмен санаттағы АИ-80 маркалы бензинді қолданыстан алып тастауды ұсынып отыр. Жылу және электр станцияларының мазут пен көмірді жағуына да шектеу қойылуы мүмкін.
Қарбалас уақытта жүк көліктерінің қозғалысын азайту шаралары жан жақты қарастырылып жатыр. Көлік жүргізу ережесін «тақ және жұп» күндерге бөлу тәжірибе ретінде енгізілуі мүмкін. Мақсат атмосфераның ластануын тежеу.
Атмосфераны ластайтын көздерді қадағалау үшін арнайы бекеттердің жұмысы жанданып, қоршаған ортаны бақылайтын автоматты станциялар орнатылады. Кептелісті азайту және қозғалыс қауіпсіздігін қамтамасыз ету мақсатында Ташкент қаласы аумағында жүк тасымалдауға арналған салмағы 3,5 және 12 тоннадан асатын ауыр көліктердің жүрісі шектеледі.
Базаркүл Отыншиева, тілші:
Есесіне, электромобильдерге көшкен азаматтар түрлі жеңілдіктерге ие болып, оларға субсидия беру көзделген.
Базаркүл Отыншиева
