Ресей үкіметі бір жылдың ішінде өзінің алтын-валюта резервінің 36% жоғалтты. Ал елді жаңа жылдан соң қайтадан қымбатшылық жайлаған. Азық-түліктен бөлек, автомобиль бағасы да шарықтады. Толығырақ тілшіміз тарқатады.
Ұлттық әл-ауқат қорындағы ақша 87 миллиард доллардан 55 миллиард долларға дейін қысқарды. Ал ұлттық банк былтыр базалық мөлшерлемені 5 рет көтерген. Бұл қымбатшылықтың артуына сеп болды.
Евгений Лебедев, қала тұрғыны:
Дәнді-дақылдар, көкөніс, жұмыртқа айтарлықтай қымбаттады. Сонымен қатар сырттан жеткізілетін жеміс-жидек бағасы да біршама өсті. Жалпы азық-түлік жыл сайын қымбаттап жатыр.
Санкциядан зардап шеккен салалардың бірі – автомобиль өндірісі. 2023 жылы көлік 40 пайызға қымбаттаған. Тіпті қытайлық автомобильдердің де құны үш, төрт есе өскен. Ауыл шаруашылығы саласында да импорттық тұқым жоқтың қасы.
Александр Мельников, экономика ғылымдарының докторы:
Бүгінгі таңда біз елді азық-түлікпен қамтамасыз ету үшін арнайы бағдарламалар керек деп есептейміз, азық-түлік қауіпсіздігі бірінші орында тұруы тиіс. Бұл үшін тиісті іс-шаралар жүзеге асырылмақ.
Былтыр инфляция 8 пайызға жуықтады. Банктер ипотека алу үшін пайыздық мөлшерлемені тағы өсірді, яғни 6 пайыздан 17 пайызға көтерілді. Сондықтан тұрғын үй бағасы арзандаған. Экономистер рубльдың долларға шаққанда құны түспесе, қымбатшылық өсе беретінін мәлімдеді.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Ресейде алтын-валюта қоры азайды&mh_tags=Qazaqstan&mh_page=https://qazaqstan.tv./news/188016/)