Жаңалықтарды Telegram арнамыздан оқыңыз!Базарларды модернизациялау мерзімі енді ұзартылмайды. 2025 жылдың соңына дейін еліміздегі барлық сауда нүктелері қаланың архитектурасына, санитарлық және өртке қарсы талаптарға сай болуы керек. Сауда және интеграция министрі, мәжіліс депутаттары жергілікті әкімдермен онлайын жиын өткізіп, осы талаптарын жеткізді. Статистикаға сәкес, қазір елімізде 700 ден астам дала базары бар. Модернизациялау картасына енбей қалған сауда нүктелері әлі де анықталып жатыр. Осылардың барлығын келер жылдың соңына дейін бір стандартқа келтіру қажет. Базар иелері мен әкімдіктердің жұмысына бақылау қатаң жүргізіледі деп ескертті Сауда және интеграция министрі.
Болатбек Нәжіметдинұлы, ҚР Парламенті Мәжілісінің депутаты:
Қаншалықты дұрыс жүріп жатыр? Қаншалықты мерзімді істей алады? Қай сауда орындар жатқызуға болады? Қай сауда орындарын жатқызуға болмайды. Сол мәселесін шешу туралы жұмыстарды олар көрсетеді. Алдына қойған мақсаттарының орындалу мерзімдерін, яғни құжаттармен, қаржылармен және құрылыс монтаж жұмыстарымен соның бәрін бақылау керек. Енді оған арнайы бізде осы мемлекеттік органдар өкіметтегі оны бақылайды.
Оңғар Алпысбайұлы
