Ресейде қатты боран соғып, 260 мыңнан астам адам жарықсыз қалды.
Индира Бегайдар, тілші:
Ресейдің бірнеше өңірінде төтенше жағдай режимі жарияланды. Қатты боран салдарынан жол-көлік оқиғалары артты. Сондай-ақ пойыз, ұшақ қатынасы тоқтады. Мәселен, тек Ростов облысында 20 пойыз жолда қалып қойса, Волгоград облысында қар аралас жаңбыр жауып, қатты жел соқты. Салдарынан мыңдаған адам жарық, жылу, сусыз қалды. Мәскеуде де бірнеше күннен бері қалың қар жауып, қаланы «Ольга» циклоны басып алды. Бір күнде жауын-шашынның айлық нормасы орындалды. Тула, Тверь, Калуга және Рязань облыстарында да қауіптің «сары» деңгейі жарияланды. Синоптиктер алдағы күні ауа райы нашарлайтынын ескертеді.
Индира Бегайдар
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Ресейде боран салдарынан 260 мыңнан астам адам жарықсыз қалды&mh_tags=Qazaqstan&mh_page=https://qazaqstan.tv./news/189069/)