Жаңалықтарды Telegram арнамыздан оқыңыз!
Қарағанды облысында жоғалып кеткен азаматты іздеу үшін төтенше жағдай министрлігіне қарасты «Қазавиақұтқару» АҚ тікұшағы көтерілді. Нұра ауданының Кеңжарық ауылынан 60 шақырым қашықтағы қыстақтан 14-і ақпан күні аэрошанасымен мал іздеп шыққан ер адам ізім-ғайым жоқ. Іздеу жұмыстары жалғасуда. Өңірде ауа температурасы -30 градусқа дейін төмендеген. Құтқарушылар аязға байланысты жолаушыларға алыс сапарға шығуды кейінге қалдыруды ұсынады. Қазір өңірдегі барлық жолдар бойынша дизельдік отынмен жүретін көліктердің қозғалысы шектелген.
Руслан Нұрланұлы
