Жаңалықтарды Telegram арнамыздан оқыңыз!Келесі «Болашақтың ойындары» жарысы Қазақстанда өтуі мүмкін. Президент Қасым-Жомарт Тоқаев Қазан қаласына сапары барысында осындай ұсыныс жасады. Мемлекет басшысы Владимир Путинмен кездесіп, екі ел арасындағы қатынастардың қарқынды дамып келе жатқанын атап өтті. Ал Ресей басшысы Қазақстанмен стратегиялық серіктестікті одан әрі күшейтуге бейілді екенін айтты.
Қасым-Жомарт Тоқаев, Қазақстан Республикасының Президенті:
Шын мәнінде, «Болашақтың ойындары» – IT интеллект пен спорт ұштасқан бірегей формат. Біз мұнда мықты команда әкелдік. Жақсы нәтиже көрсетеді деп үміттенеміз. Жалпы Қазақстанда IT секторы дамып келеді. Біздің өз ойындарымыз бар. Халықаралық деңгейде жарыстар өткіземіз. Ресей Федерациясы дер кезінде қолға алған осы бастаманы жалғастыру үшін келесі «Болашақтың ойындарын» біздің елімізде ұйымдастыруды ұсынамын.
Владимир Путин, Ресей Федерациясының президенті:
Байланыстарымыз аса маңызды барлық сала бойынша нәтижелі дамып келеді. Былтыр біздің делегацияның Қазақстанға сапары сәтті болды. Біз алдағы даму бағыттарын айқындадық. Әріптестерім маған энергетика, инвестиция және өңірлердегі жұмыстардың қазіргі уақытта қалай жүріп жатқанын баяндайды. Мұның бәрінде жалпы екі ел, жекелеген аймақтар және тұтас салалар үшін өзара мүдде көзделеді.
Шерхан Жамбылұлы
