Жаңалықтарды Telegram арнамыздан оқыңыз!Атырауда көктемгі тасқын судың алдын-алу жұмыстары жүріп жатыр. Күні кеше қар мен жаңбыр суынан Қызылқоға ауданының көп бөлігін су басқан еді. Осы жағдайлардың алдын-алу мақсатында өзендер мен арықтардың арналары, су өткізгіш құбырлар тазартылып жатыр. Жұмыстардың барлығына бюджеттен 2 млрд 374 млн теңге қарастырылып отыр. Су тасқыны Жайық, Ойыл, Қиғаш, Жем және Сағыз өзендерінің жоғары бөлігіне жауған қардың мөлшеріне байланысты болады. Осы күнге дейін қаладағы жекеменшік сектордан 64 мың текше метрден астам қар шығарылған.
Асыланбек Хафизұлы, облыстық ТЖД төтенше жағдайлардың алдын-алу бөлімінің бастығы:
Су тасқыны жағдайына қарсы 1153 адам, 303 бірлік техника, 16 бірлік жүзу құралдары және 107 бірлік мотопомпалар дайындыққа келтірілді. Облыс аумағында орналасқан 4191 қабылдау пункттерінің жағдайы тексеріліп, эвакуациялау маршруаттары мен автокөліктер дайындығы пысықталды.
Нұрсұлтан Нұрсейіт
