Жаңалықтарды Telegram арнамыздан оқыңыз!Абай облысында ақылы жолмен жүрген жүргізушілердің берешегі 6 миллион теңгеге жуықтаған. Өңірде қазір Омбы-Майқапшағай трассасының Павлодар-Семей-Қалбатау аралығындағы жол жүк көліктері үшін ақылы. Осы бағытта жүріп өткен 2045 көліктің иесі қарызын өтемеген. Енді берешекті өндіру үшін «ҚазАвтоЖол» ұлттық компаниясының өкілдері, жол полициясы, көлік инспекциясымен бірлесіп рейд өткізбек. Жалпы ақылы жолдан түскен қаржыға былтыр жолды күтіп ұстауға қажет 24 жаңа техника сатып алған.
Айдын Ескенов, «Қазавтожол» ҰК» Абай облысындағы филиалының директоры:
Қалбатаудан Павлодарға жеткенше жүк тиелген үлкен жүк көлігіне 12500 теңге болады. Айта кетеміз, бұл түскен ақша жол ақылы болғаннан кейін ең бірінші ақылы жолдан түскен ақшаға сатып алынып жатыр. 5,9 млн дегеніміз ол да біраз техникамызға жарар еді. Біраз жанар-жағармайымызға жетер еді.
Ержан Жақып
