Жаңалықтарды Telegram арнамыздан оқыңыз!Қырғызстанда отбасы кодексінің бір жынысты некеге тыйым салатын жаңа жобасы қоғам талқылауына шығарылды. Құжатты елдің Еңбек, әлеуметтік қамсыздандыру және көші-қон министрлігі дайындаған. Жаңа жобада некеге 18 жастан бастап тұруға рұқсат берілген. Түзетулерге сәйкес, некеге тек ер мен әйел ғана тұра алады. Мемлекеттік тіркеусіз діни неке қиюға тыйым салынған.
Бұл ережені бұзғандарға заңда белгіленген тәртіппен жауапкершілік көзделген. Сондай-ақ, сотталып, жазасын өтеп жатқан азаматтарға некеге тұруға болмайды. Кодексті түзетудегі мақсат - отбасы институтын дамыту, дәстүрлі отбасы құндылықтарын сақтау және қоғам өмірінде отбасы рөлін арттыру.
Арай Төлеген
