Жаңалықтарды Telegram арнамыздан оқыңыз!Мәжіліс депутаттары Ерболат Сатыбалдин мен Аманжол Әлтаев Ұлытау облысы Жезде кентіне барып тұрғындармен кездесті. Депутаттар су тасқынынан зардап шеккен отбасылардың шығыны толық өтелетінін айтты. Онымен қоса еріктілер мен ауыл тұрғындары да қолдан келгенше жылу жинап жатыр. Елдің есін шығарған тасқынның бүгінде беті қайтып, жұрт қалыпты тірлігіне көшкен. Үйлері тұруға жарамай қалған отбасыларға уақытша баспана берілді. Олардың арасында көп балалы отбасылар, жақында отау құрған, тіпті күні кеше сәбилі болған жанұялар да бар екен.
Аманжол Әлтай, ҚР Парламенті Мәжілісінің депутаты:
Алдағы уақытта комиссия кеткен шығынның барлығын есептеп, орынын толтырады. Тұруға келмейтін үйлерде бар екен. Кейбір үйлерде су деңгейі 1 метрге дейін көтерілген. Жаңадан үй салу керек шығар деп ойлаймын.
Жандос Бақытұлы
