Жаңалықтарды Telegram арнамыздан оқыңыз!Атырау облысындағы Жылыой ауданында төтенше жағдай жарияланды. Қарғын судан қауіп төнген елдімекендерде эвакуациялау жұмыстары жүріп жатыр. Аймақтағы ахуалды толығырақ баяндау үшін әріптесім Нұрсұлтан Нұрсейіт тікелей байланысқа шықты.
Нұрсұлтан Нұрсейіт, тілші:
Жем өзені тасып, Жылыой ауданындағы Қосшағыл ауылдық округіне қарасты Қарағай ауылына қауіп төндіріп жатыр. Су бөгеттерді бұзып, ауыл ішіне кірген. Кеше кештен бері 150-ден астам адам 3 құтқару пунктіне эвакуацияланды. Аудан бойынша су тасқыны қаупін сейілту мақсатында 60 шақты техника және 2000 волонтер жұмылдырылды. Штаб құрамы кезекшілікпен тәулік бойы жұмыс істеп жатыр. Сондай-ақ облыстан 50 әскери қызметші көмекке келді. Теңіз кенішінің және жергілікті мекемелердің техникалары да жұмылдырылған.
