Жаңалықтарды Telegram арнамыздан оқыңыз!Қазақстан мұсылмандары діни басқармасы төрағасының арнайы тапсырмасымен су тасқынынан зардап шеккен өңірлерге 100 тоннадан аса гуманитарлық көмек жіберілді. Сондай-ақ, облыстардан қосымша 23 миллион теңге қаржы аударылды.
Бүгінде Діни басқарама құрған арнайы жұмыс тобы, Зекет және қайырымдылық қорының өкілдері, Жастар кеңесінің волонтерлары апатты аймақтарда тұрғындарға көмек көрсетіп жүр.
Нұрбек Есмағанбет, ҚМДБ «Дін мен дәстүр» бөлімінің меңгерушісі:
Ақтөбе, Атырау, БҚО, Қостанай, Қарағанды, Ұлытау облыстарына 100,1 тонна ұн, 860 қап ұн-жарма (күріш, қарақұмық, макарон, қант), 4448 литр күнбағыс майы т.б. жеткізілді. Сондай-ақ, 2492 адамға күнделікті ыстық тамақ берілуде. Қайырымдылық шараларына ҚМДБ-ның 1113 қызметкері атсалысып жатыр.
