Ақмола, Абай және Шығыс Қазақстан облыстарындағы өзендерде су деңгейі көтеріліп, арнасынан асуы мүмкін. Бұл туралы «Қазгидрометтің» баспасөз хатшысы Алина Смағұлова Республикалық ақпарат штабында өткен брифингіде мәлім етті. Сәуірдің 22-не дейін Абай және Шығыс Қазақстан облыстарында күн күрт жылып, жауын-шашын болады. Соған байланысты таулы аудандарда сел жүріп, өзендердегі су деңгейі шекті мөлшерден асады. Ал Ақмола облысындағы Нұра өзенінде су деңгейі күн сайын көтеріліп келді. 4 сағатта 6 см-ге артып, шекті мөлшерден 5 см-ге асқан. Сондай-ақ Қорғалжын ауылындағы көпірді су басты.
Қаракөз Тұрмағамбет
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Су тасқыны: 3 өңірде жағдай ушығуы мүмкін&mh_tags=Qazaqstan&mh_page=https://qazaqstan.tv./news/192573/)