Жаңалықтарды Telegram арнамыздан оқыңыз!Жабайы жануарлардың Үстірт жазығында емін- еркін өмір сүріп, ұрпақ өрбітуіне жол ашылады. Бұл бойынша Қазақстан мен Өзбекстан арасында арнайы келісім жасалған елді. Енді жобаға Түркіменстан да қосылды. Осы салада еңбек ететін мамандар мен қорғалатын аумақтардағы қызметкерлердің өзара тәжірибе алмасуы мақсатында оқу- жаттығу жиыны өтті. Оған Қазақстандағы Барсакелмес, Қарақалпақ жеріндегі «Сайгачий» және Түркіменстандағы Капланкыр мемлекеттік қорығының мамандары қатысқан. Айта өтейік, ақпан айында Самарқан қаласында қоныс аударатын жабайы жануарларды сақтау конвенциясының жиынында арнайы меморандум жасалған еді.
Айзада Ұзақбаева, GIZ Германия халықаралық әріптестік ұйымы жобасының кеңесшісі:
Үстірт жазығында аң-құстың тіршілік етуіне қолайлы экожүйе құруға бағытталған құжаттың қабылдануы өте маңызды оқиға болды. Шекаралас жатқан елдер әлемде сирек кездесетін аң құсты сақтап қалуға бірлесе қадам жасады. Бұл экология мен қоршаған ортаны қорғауда тепе теңдіктің сақталуына жол ашады.
Базаркүл Отыншиева
