Жаңалықтарды Telegram арнамыздан оқыңыз!Электр энериясының түпкі құнын негізсіз көтеретін делдалдар нарықтан кетеді. Осы айдың басында еліміздегі реттелмейтін электр жабдықтаушы ұйымдардың қызметін уақытша тоқтата тұру туралы шешім қабылданды. «Бұл электр энергиясының тарифіне тиімді әсер етеді», - дейді Ұлттық экономика министрлігінің өкілі. Олар нарықта 2004 жылдан бастап жұмыс істеп келген және бизнеспен бірқатар бюджеттік ұйымдар үшін тарифті өздері белгілеп отырған. Әрі тапқан табыстарын энергетикалық жүйені жаңғыртуға жұмсамаған.
Нұрлан Болатбаев, ҚР табиғи монополияларды реттеу комитеті төрағасының орынбасары:
Алдағы уақытта тұтынушылар мен электр тасмалдаушы ұйымдар арасында ғана қызмет көрсететін болады. Яғни, ортасында ешқандай делдалсыз қызмет көрсететін болады. Қазіргі таңда реттелмейтін электр жабдықтау ұйымдары нарықтан кету үстінде. Келесі жылдан бастап өзінің жұмысын тікелей тұтынушылармен келісімшарт арқылы өз қызметтерін атқаратын болады.
Асылбек Данияр
