Жаңалықтарды Telegram арнамыздан оқыңыз!Биыл прокурорлар, тергеу орындары заңсыз қамауға алған 449 адамды босатты. Сондай-ақ, 515 адамға қатысты шыққан үкімді қайта қарау жөнінде бастама көтерді. Оның ішінде 205 сотталушының жағдайы жақсарып, 10 адам ақталды. Бұл туралы елдің Бас прокуроры Берік Асылов Президент Қасым-Жомарт Тоқаевқа баяндады. Бұдан бөлек, Бас прокурор елден заңсыз шығарылған активтерді іздеуге қолданылатын «ақылды» аналитикалық платформаны пилоттық режимде сынап көру жұмыстары басталғанын айтты. Сондай ақпараттық жүйелерді пайдаланудың нәтижесінде іздеуде жүрген 605 қылмыскер ұсталды. Президент осы бағыттардағы жұмысты әрі қарай жалғастыруды тапсырды.
