Жаңалықтарды Telegram арнамыздан оқыңыз!Қазақ-өзбек шекарасында 60 келіге жуық зергерлік бұйымдарды заңсыз алып өтпек болған автобус тоқтатылды. Контрабандалық тауардың жалпы құны 1,7 миллиард сум. Бұл туралы Өзбекстанның мемлекеттік кеден комитеті хабарлады. Оқиға Түркістан облысымен шекарадағы Гишткуприк бекетінде болған. Қазір оқиғаға қатысты сотқа дейінгі тергеу жүріп жатыр. Сондай-ақ дәл осы кеден бекетінде әскери оқ-дәрілерді жасырын өткізуге әрекет еткен адам ұсталды.
Ташкент облыстық кеден басқармасы
«Көлікті тінту кезінде жүк салғыштан пневматикалық тапанша, әскери каска, пышақ, 3 қап марихуана және рация табылды. Айғақ заттардың барлығы тәркіленді. Тергеу амалдары жүріп жатыр».
Базаркүл Отыншиева
