Жаңалықтарды Telegram арнамыздан оқыңыз!Қазақстанда Полиция қызметкерінсіз жол көлік оқиғасын тіркейтін жүйеге сұраныс артып келеді. Жыл басынан бері Еуропротокол қосымшасы арқылы 2300-ден астам өтініш түсіп, зардап шегуші өтемақы алған. Жаңа жүйенің бірнеше артықшылығы бар. Негізгісі уақыт үнемдеуге болады. Жол ережесін бұзған жүргізуші айыппұл төлемейді. Шарттары келесідей. Жол көлік оқиғасынан адам денсаулығына зиян келмеуі керек. Көлікке келтірілген шығын мөлшері 100 айлық есептік көрсеткішінен аспауы тиіс. Және қос тарап та ереже бұзушының кім екендігімен келісуі шарт. Бұл талаптар орындалмаған жағдайда МАИ қызметкерін шақыртып, оқиға ескі жүйе арқылы рәсімделеді.
Оңғар Алпысбай
