Жаңалықтарды Telegram арнамыздан оқыңыз!Түркістан облысындағы 5 ауданда шегірткеге қарсы күрес қайта күшейді. 260 мың гектар алқап дәріленген.
Қазір өңірдегі Сарыағаш, Келес, Шардара, Ордабасы аудандары мен Арыс қаласының аумағында шегірткеге қарсы күрес тоқтаусыз жүргізіліп жатыр. Залалсыздандыру жұмыстарына тағы қосымша техникалар қосылды. Қазір аймақтарда химиялық сұйықтықты бүркетін 70 арнайы көлік пен 4 тікұшақ жұмыс атқаруда. Бүгін өңірге арнайы келген ауыл шаруашылығы министрінен мамандар бұл жұмысқа тағы да тікұшақ бөлуді сұрады. Ведомство басшысы Айдарбек Сапаровтың айтуынша, қазір Арыс қаласы аумағында зиянкестерден келетін қауіп сейілген. Залалсыздандыру жұмыстары әрі қарай Келес ауданында жалғаспақ.
Ғани Қалмаханов
