Жаңалықтарды Telegram арнамыздан оқыңыз!«Амаnат» партиясы Жетісу облыстық филиалы да Таза Қазақстан жалпыұлттық акциясына қолдау білдіріп, белсенділік танытты. Өңірде бір күнде мыңнан аса адам 70 тоннаға жуық қоқыс жинап, арнайы полигондарға шығарды. Туған өлкенің таза болуына барлық деңгейлі Мәслихат депутаттары, бастауыш партия ұйымдарының мүшелері және әр түрлі мекеме ұжымдары атсалысып, Көксу ауданына қарасты Теректі ауылының маңайын қоқыстан тазартты. Партия белсенділерімен облыс бойынша қоқыстанған 113 учаске анықталып, арнайы карта әзірленді. Шараның бірінші аптасында 300 тонна қоқыс шығарылды.Ал екінші аптасында барлығы 48 учаскі қамтылып, 93 тонна қоқыс шығарылды.
Арыстанғали Арын, «Амаnат» партиясы жетісу облыстық филиалының жетекшісі:
Басты мақсат - елімізді тазалықта ұстау, жанымызды тазалықта ұстау, адал болу таза болу. Осындай бір мәдениетімізді жаңғыртып елдің ішінде осы тазалыққа бағытталған жақсылыққа бағытталған шараларды өткізу болып табылады.
Қуаныш Қанатұлы
