Жаңалықтарды Telegram арнамыздан оқыңыз!Астаналық құтқарушылар үйі өртеніп, 7-ші қабаттың терезесінен далаға секірмек болған әйелді құтқарып қалды. Өмірін қатерге тігіп, көзсіз ерлікке барғандардың әрекетін оқиға орнына жиналған тұрғындар видеоға түсіріп алған.
Будақтаған қара түтіннің ортасында қалған әйел балконнан далаға шығып, төменге қарай түсуге мәжбүр болған. Сол сәтте 6-шы қабаттың терезесінен шыққан азаматтық қорғау аға сержанты Қадыр Өмірзақов, оның аяғына жармасып, әріптестерімен берге құтқарып қалады. Өртті сөндіруге ТЖД-нің 12 адамы мен 3 техникасы жұмылдырылды.
Қала тұрғыны:
Өрт кезінде балконнан түсуге тура келді. Басқа амалым болмады. Екінші рет өмірге келгендеймін. Құтқарып қалған азаматтарға алғысым шексіз...
Жандос Темірғали
