Жаңалықтарды Telegram арнамыздан оқыңыз!Ерназар Жұбан «Подберу музыку» композициясын орындап, көрермендер мен қазылар алқасын тәнті еткен. Оған 70 ұпайдың 69-ы берілді. Халықаралық қазылар алқасын әнші, Қазақ КСР Халық әртісі Роза Рымбаева басқарды. 27 жастағы атыраулық әнші бұған дейін біздің арнадағы «Қазақстан Дауысы» мега жобасында, сондай-ақ Украина, Румынияда өткен халықаралық байқауларға қатысып үздік өнер көрсеткен.
Осыдан бірнеше күн бұрын «Витебсктегі славян базары» жарысы аясында өткен халықаралық Dream Dance Fest байқауында қазақстандық «Жас өркен» би ансамблі 1-орын алғанын да, атап өтейік.
Ерназар Жұбан, «Славян базары» байқауының жеңімпазы:
Осыған дейін біздің Қазақстан Славян базарын көп рет жеңді. Бұл Қазақстан үшін өте үлкен дәреже. Сол дәрежені ұстап тұрдым, деп ойлаймын. Әділқазылар өнерімді бірінші күні өрте жоғары бағалады.
Ақмаржан Ғафиз
