Жаңалықтарды Telegram арнамыздан оқыңыз!«Үздік костюм» және «Үздік грим». Осы аталымдар бойынша Ұлттық арнаның «Қорқыт» тарихи биографиялық телехикаясы халықаралық кинофестивальде қос жүлдеге ие болды. Монреальда өткен байқау - Канаданың кино саласындағы дәстүрлі фестивальдердің бірі. Сериалдың костюм бойынша қоюшы-суретшісі Жанар Райым болса, киімдердің алғашқы жобасын салған - Әсем Кенжетаева. Ал грим бойынша қоюшы-суретшісі Андрей Цирюльник екенін айта кетейік. Түркі халықтарына ортақ Қорқыт тұлғасына арналған тарихи драма Өзбекстанның, Әзербайжанның телеарналарынан да көрсетілді. Алдағы уақытта Қырғызстан мен Түркия көрермендеріне жол тартады. Туындының толық нұсқасын «Qazaqstan» телеарнасының YouTube желісінен көре аласыздар.
Қаракөз Тұрмағанбет
