Жаңалықтарды Telegram арнамыздан оқыңыз!Қостанай облысының Приречное ауылында сібір жарасынан 26 бас ірі қара қырылды. Ауылшаруашылық министрлігі мал өлекселерінің бәрі жылжымалы инсинераторда өртелгенін хабарлады. Ауру ошағы толық дезинфекцияланды. Приречное ауылына карантин енгізілді. Қазіргі ветеринария жөніндегі ұлттық референттік орталықта жұқпалы аурудың диагностикасы бойынша зерттеулер жүргізіліп жатыр. Ауылдағы эпизоотиялық жағдай ветеринариялық бақылау және қадағалау комитетінің тұрақты бақылауында. Өткен жылы Ақмола, Жамбыл, Түркістан және Қарағанды облыстарында сібір жарасының бірнеше ошағы тіркеліп, инфекцияның салдарынан бір адам көз жұмған еді.
Жандос Темірғали
