Жаңалықтарды Telegram арнамыздан оқыңыз!Жергілікті атқарушы органдардан конкурстық негізде мемлекеттік білім беру грантына өтініштерді қабылдау бүгін басталды. Әкімдіктер жыл сайын сұранысқа ие мамандықтарға грант бөледі. Биыл жергілікті атқарушы органдар жалпы 2 мың 475 білім беру грантын бөлді.
Ең көбі - 858 грантты елорда әкімдігі бөліп отыр. Одан кейін Шығыс Қазақстан облысы – 270 грант, Абай облысы – 200, Маңғыстау облысы – 175, Ақмола облысы – 160 және Жетісу мен Қызылорда облысы – 100 грант, қалған аймақтар 100-ден аз грант бөлген. Білім беру грантын тағайындау конкурсына қатысу үшін үміткер жоғары оқу орындарының қабылдау комиссиясына өтініш беру қажет. Жоғары оқу орындарына қабылдау 25 тамызда аяқталады.
Қаракөз Нұрмағанбет
