Жаңалықтарды Telegram арнамыздан оқыңыз!Ресейде жұмыс істейтін еңбек мигранттарына салық өспек. Тиісті құжат Дума қарауына жіберілді. Заң жобасының авторлары патент негізінде Ресейде жұмыс істейтін шетелдік азаматтар үшін жеке табыс салығын 30% дейін арттыруды көздеп отыр. Мамандар салық өссе, шетелдік жұмысшылардың саны азайып, ел экономикасына кері әсер тигізетінін айтады. Ал көрші елдегі инфляция шілде айында 9 пайыздан асып кеткен. Сондықтан азық-түлік, коммуналдық төлемдер 5-10 пайызға өссе, пәтер жалдау құны 100 пайызға дейін қымбаттаған.
Дмитрий Журавлев, сарапшы:
Экспорт, импорт мәселесі бүгінгі күні өзекті. Себебі көптеген елмен байланыс үзілгелі тауар тасымалдау қиындап кетті. Импорттық тауарды жеткізу үшін кәсіпкерлер шығынға батып жатыр. Сондай-ақ қажетті дәрі-дәрмек жетіспейді. Өйткені отандық дәріні шығару ісі тоқтап қалды.
Индира Бегайдар
