Жаңалықтарды Telegram арнамыздан оқыңыз!Қазақстан келер жылы Байқоңыр ғарыш айлағынан алғашқы зымыранын ұшырмақ. Бүгінде екі ел арасындағы келісім аясында «Бәйтерек» кешені жаңғыртудан өтуде. Бұрынғы 45-ші ұшыру алаңы Қазақстан меншігіне өтіп, кешен заман талабына сай қайта жабдықталуда. Жобаны жүзеге асыруда мамандар «Зенит-М» ғарыштық зерттеу базасын пайдаланып жатыр. Ал зымыранды Ресейлік ғалымдар құрастырады. Бағдарламаны кезең-кезеңімен іске асырып, 2028 жылға дейін аяқтау жоспарланған. Негізгі мақсат - экологияға зиян келтірмейтін ғарыш кешенін құру. Сол бағытта алғашқы тәжірибелер келер жылы басталып, отандық «Бәйтерек» алаңынан зымыран ұшыру көзделіп отыр.
Сырым Ынтымақов, «Бәйтерек» БК» АҚ Байқоңыр филиалының директоры:
Осы күнге дейін эскиздік жоба жасалынды, инженерлік іздеу жұмыстары бітірілді, қазіргі таңда конструкторлық құжаттар әзірленуде. Осы жұмыстардың негізінде біздің мақсат 2025 жылы желтоқсанда «Союз-5» атты зымырантасығышын «Бәйтерек» зымыран кешенінде алғашқы ұшырылымды жүзеге асыру.
Әділбек Серікұлы
