Жаңалықтарды Telegram арнамыздан оқыңыз!Түркиялық инвесторлар ауыл шаруашылығы саласында бірлескен кәсіпорындар құруға дайын. Стамбұлда сала министрімен кездескен түрік компаниялары Қазақстандағы инвестициялық климатқа жоғары баға берді. Біздің елде мемлекеттік қызметтерді алуда және құжаттарды дайындауда жеңілдіктер көп. Сондықтан соңғы 20 жылда түркиялық инвесторлар елімізге 5,1 млрд доллар қаржы салған. Ауыл шаруашылығы саласында олардың қаражатымен 553 млн доллардың алты жобасы сәтті жұмыс істеп тұр. Бүгінде елімізде әртүрлі салада Түркиямен бірлескен бес мыңнан аса компания жұмыс істейді.
Селами Авжы, түркиялық кәсіпкер:
Қазақстан ауыл шаруашылығы саласында әлем бойынша өте маңызды ел. Сондықтан осы мүмкіндікті дұрыс пайдалануымыз керек. Бүгін Ақтөбеде және Астанада логистикалық орталық құрылысын бастау үшін қазақстандық әріптестерімізбен келісімге қол қойдық. Бұл құны 20 млн еуро болатын инвестициялық жоба.
Айдос Әшімұлы
