Алматыда 11 жастағы бала 4 метрлік шұңқырға құлап кетті. Оқиға «Елисей» саябағының маңында болған. Түсірілген кадрдан оның велосипедпен артқа жылжып, байқаусызда құлағанын көруге болады. Абырой болғанда, жасөспірім ауыр дене жарақатын алмаған. Жедел жәрдем көлігі науқасты №2 қалалық балалар клиникалық ауруханасына жеткізген. Қажетті медициналық тексеруден кейін ол амбулаториялық ем қабылдауға жіберілген. Баланың жағдай жақсы, - дейді дәрігерлер. Ал қалалық полиция департаменті осы фактіге қатысты сараптама тағайындалып, тергеу жүргізіліп жатқанын хабарлады.
Қуан Нұрақын
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Алматыда 11 жастағы бала 4 метрлік шұңқырға құлап кетті&mh_tags=Qazaqstan&mh_page=https://qazaqstan.tv./news/198004/)