Жаңалықтарды Telegram арнамыздан оқыңыз!Көкшетауда есірткі сататын сайттарды жарнамалайтын граффитилер өшіріліп жатыр. Бүгін тұрғын үйлер мен ғимараттардың қабырғаларына жазылған он шақты кодтық сөз бен хабарлама жойылды. Бұл жұмыс әлі де жалғасады. «Нашақорлыққа жол жоқ» акциясы аясында тұрғындарға есірткінің зияны мен зардабы туралы жан-жақты ақпарат та беріледі. Былтыр өңірде есірткі жарнамалайтын 66 сайттың жұмысына шектеу қойылып, 100 парақша бұғатталды. Жыл басынан бері есірткінің заңсыз айналымына қатысты 86 қылмыс анықталған.
Ардақ Анвар, Көкшетау қалалық прокуратураның бөлім прокуроры:
Жобаның негізгі мақсаты - нашақорлықтың санын азайту, есірткі заттарын азайту. Сонымен қатар өскелең ұрпақтың дені сау болуын қамтамасыз ету. Осы мақсатта бүгінгі таңда қала аумағында бірнеше нашақорлықты жарнамалау фактілері орын алды. Осы бойынша тиісті шаралар қабылдануда.
Ұмсындық Наурызбаева
