Жаңалықтарды Telegram арнамыздан оқыңыз!5-ші Дүниежүзілік Көшпенділер ойыны «Ұлы дала жорығы» марафон-бәйгесінен басталады. Оған Қазақстаннан 9, ал бауырлас елдерден 10 команда қатысады.
Мамандардың айтуынша, дүбірлі дода ұмыт болып бара жатқан жылқы тұқымдарын қайта жаңғыртып, оларды халықаралық деңгейде насихаттауға сеп болады. Аламан бәйгеде жылқы тұқымынан бөлек, өзге мемлекеттер көшпенділер өркениетінің қазіргі үлгісіне куә болады. Жарыс СҚО-дағы Ботай қонысанан басталып, Астана қаласында аяқталады.
Бақытжан Тұрлыбеков, «Joryq» ат спорты федерациясының президенті:
«Ұлы дала жорығы» жобасының негізгі мақсаты біздің қазақы қолтума жылқылдардың екінші тынысын ашу. Қазір біздің қолтума, міңгі аттардың бағы ашылды десек болады. Олардың бағасы қазір 2-3 есе өскен. 00:41 Шет елден келетін жылқы тұқымдарына келетін болсақ, Қырғыстаннан «Жаңа қырғыз» тұқымы келеді. Татарстан «Татар», «Башқұрт», «Кабардин» жылқылары келеді. Осы жылқылармен біздің қазанаттар бақ сынайды.
