Жаңалықтарды Telegram арнамыздан оқыңыз!Биыл қыркүйек айында генерал-полковник Сәт Тоқпақбаев 85 жасқа келеді. Тәуелсіздіктің алғашқы жылдары ұлттың, мемлекеттің және Президенттің қауіпсіздігін қамтамасыз ету жүктелгендердің бірі – Сәт Тоқпақбаев. Генерал-полковник осы жолда аянбай еңбек етіп, күштік құрылымдардың қалыптасуына зор үлес қосты. Ұлт мүддесін бәрінен жоғары қойды.
Сәт Бесімбайұлының басшылығымен жасалған Ұлттық қауіпсіздік комитетінің жұмыстарын ұйымдастыруға қажетті арнаулы құжаттардың көбісі әлі күнге дейін қолданыста. Оның шешімімен Ұлттық қауіпсіздік комитетінің академиясы құрылып, еліміздің белді оқу орнына айналды. «Тәуелсіздікті нығайту үшін әуелі шекараны шегендеп, Ата заңымызды күшейту керек болды, - дейді генерал.
Сәт Бесімбайұлының тәрбиесін көріп, тәлім алғандар аз емес.
Сәт Тоқпақбаев Мәжіліс депутаты болған уақытта да мол тәжірибесін, күш-жігерін мемлекетіміздің Қарулы күштері мен қауіпсіздігін нығайтуға қажетті заңдарды қабылдауға жұмсады. Бүгінде жұбайы – белгілі жазушы Сәуле Досжанмен қоғамдық жұмыстарға атсалысып, жастарды тәрбиелеуге көңіл бөліп жүр.
Қуан Нұрақын
