Жаңалықтарды Telegram арнамыздан оқыңыз!Дүниежүзілік көшпенділер ойындарының бүгін 4-ші күні. Көшпенділер әлемі этноауылындағы жарыстар қызған. Әсіресе, алыптардың сайысын көруге келгендер өте көп. Бұл жарыста қазақ палуаны финалға шықты. Азамат Мақұлбеков 16 спортшының ішінде көзге түсті. Ол 130 келі бөренені 38 рет көтеріп, өз рекордын жаңартты.
Дархан Рахымжан, тілші:
Алыптар сайысы қазір сағат 16:00-де жалғасады. Палуандар 500 келі арбаны сүйрейді және өгіз көтеру кезеңінде бақ сынайды. Жалпы алыптар бәсекесіне 16 мемлекеттен 16 спортшы қатысып жатыр. Испания, Үндістан, Қытай, Кувейт, Татарстан, Иран, Ресейден келген қатысушылар бар. Палуандар бәсекесі 5 кезеңнен тұрады.
Айта кетейік, көшпенділер этноауылындағы жанкүйердің қарасы қалың. Көрермен, әсіресе, осы алыптар сайысы өтіп жатқан маңға көп жиылған. Бұл жарыста көш бастап тұрған, қазақ палуанына сәттілік тілейміз.
Дархан Рахымжан
