Жаңалықтарды Telegram арнамыздан оқыңыз!Алматы облысында қоғамдық көлік көпірден шығып кетіп, ішінде 15 жолаушысы бар шағын автобустың үстіне құлаған. Оқиға кеше кешке Қаскелеңге бұрылар тұстағы жол айрығында болды. Куәгерлердің сөзінше, №78 автобустың салонында жүргізушіден басқа ешкім болмаған. Алдын-ала болжам бойынша ол өзін жайсыз сезініп, рөлге ие бола алмай қалған.
Апат салдарынан 7 адам зардап шегіп, қоғамдық көліктің жүргізушісі аурухананың жан сақтау бөліміне жатқызылған. Қалғандары жеңіл жарақат алған. Полицияның хабарлауынша, қос көлік айып тұрағына жеткізіліп, осы оқиғаға қатысты тергеу басталған.
Жазира Оразқызы
