Жаңалықтарды Telegram арнамыздан оқыңыз!«Жайлы мектеп» ұлттық жобасы аясында салынған тағы бір білім ошағы пайдалануға берілді. Целиноград ауданына қарасты Қараөткел ауылында бой көтерген ғимарат 1200 балаға арналған. Заманауи жабдықталған ІТ мектеп-лицейіне 5 пен 8 сыныптардың арасынан 83 бала іріктеліп алынды. Өтініш бергендердің саны - 160. Мектептің ашылу рәсіміне Ақмола облысының әкімі Марат Ахметжанов, ҚР Ішкі істер министрінің орынбасары Игорь Лепеха қатысты.
Толғанай Сейдәзімова, мектеп директоры:
Жалпы мектеп ІТ болғандықтан, 5-сыныптан бастап қосымша компоненттермен жұмыс жасаймыз. Ол жерде 5-сыныпта инженерия бойынша оқытамыз, 6-сыныпта компьютерлік дизайн, мобильдік қосымшаларды жасауды оқытамыз. 7-8-сыныптарда жасанды интеллект және дрондармен жұмыс жасау сияқты курстардан өткіземіз.
Балнұр Мұратбай, 8-сынып оқушысы:
Осы «Жайлы мектепте» бүкіл зат қамтамасыз етілген, робототехника сияқты кабинеттер бар, мұнда әртүрлі роботтар істеуге, үйренуге болады.
Аида Ахметбек
