Жаңалықтарды Telegram арнамыздан оқыңыз!Израиль әуе күштері Ливан астанасы Бейрутте «Хезболла» қарулы тобының командирі Ибрахим Кубайшиді мерт қылды. Қазір екі жақ арасындағы қақтығыстар үлкен соғысқа ұласуға жақын. Ливан Сыртқы істер министрлігінің ескертуінше, бұл жанжалды Вашингтон ғана тоқтата алады. Ал Біріккен Ұлттар Ұйымының Қауіпсіздік кеңесі аймақтағы жағдайды талқылау үшін сәрсенбіде кездесу өткізбек.
Соңғы мәліметке қарағанда, Израильдің шабуылдарынан Ливанда қаза тапқандар саны 569-ға жетті. Тағы 1835-і жараланған. Құрбандардың ішінде 50 бала бар. Айта кетсек, былтыр қазанда Израиль Газа секторын бомбалауға кіріскеннен кейін, «Хезболла» Израильдің солтүстігіне зымыран жаудыра бастады. Соны тоқтату үшін Израиль Ливанның оңтүстігіне бірнеше күннен бері соққы беріп жатыр.
Арыстан Рысбек
