Жаңалықтарды Telegram арнамыздан оқыңыз!Қазақстан жануарлардың қауіпті ауруларына қарсы күресті көрші елдермен бірлесіп атқаратын болды. Тиісті келісімді бүгін сенаторлар мақұлдады. Құжат белгісіз инфекциялардың тарауына жол бермеуді қамтамасыз етеді. Сонымен қатар микроорганизмдердің ұлттық коллекциялары толықтырылады. Яғни зерттеушілер жаңа штамдармен жұмыс істеуге бейімделеді. Осылайша отандық мамандар оларды арнайы зерделеп, зерттеулер жүргізеді.
Бұл ел көлемінде жұқпалы аурулардың зертханалық нәтижелерін айтарлықтай жақсартпақ. Ал келісімі бар мемлекеттер биоматериалмен алмасып қана қоймай, өздерінің ғылыми жұмыстарының нәтижелерімен бөлісе алады. Айта кетерлігі, биоматериал коммерциялық мақсатта пайдаланылмайды. Сондай-ақ материалды іріктеу, буып-түйіп жөнелту Дүниежүзілік жануарлар саулығын корғау ұйымының ұсынымдарына сәйкес жүзеге асырылады.
Мәулен Әшімбаев, Сенат Төрағасы:
Қаралған келісім жануарлардың инфекциялық ауруларының таралуына қарсы іс-қимылдың тиімділігін арттыруды көздейді. Атап айтқанда, тараптардың аса қауіпті аурулардың таралуының алдын алу, анықтау және жолын кесу жөніндегі бірлескен іс-шаралары қарастырылған. Мақұлданған заң келісімге қатысушы елдер арасында ветеринария саласындағы ынтымақтастықты одан әрі дамытуға өз септігін тигізеді деп сенеміз.
Азамат Бейбітұлы
