Жаңалықтарды Telegram арнамыздан оқыңыз!Елімізде салынатын атом электр станциясының құрылысы қазір басталмайды. Оған кем дегенде бір жарым жыл уақыт керек. Өйткені Үкімет нысанды сала бастау үшін алдымен бірқатар құжат дайындау тиіс. Бұл туралы премьер-министрдің бірінші орынбасары Роман Скляр айтты. Ол АЭС-тің құрылысы орташа алғанда 10 жылға дейін созылуы ықтимал екенін жеткізді. Консорциум құрамында 5 мемлекет болады. Оның құрылуы мен құрамына қатысты шешім келесі жылы қабылданатынын айтты.
Роман Скляр, ҚР Премьер-министрінің бірінші орынбасары:
Консорциум мүшелерінің тізімі, құжат қашан жасалатынын, мердігер, жобалаушыға қатысты сұрақтарға 2025 жылы жауап ала аламыз. Әлем мойындаған компаниялар техникалық-экономикалық негіздемені 1 жыл, ал жобалық-сметалық құжаттаманы әзірлеуге 1,5 жыл керек. Бұл – өте қысқа уақыт. Содан кейін атом электр станциясының құрылысы басталады.
Асылбек Данияр
