Жаңалықтарды Telegram арнамыздан оқыңыз!Республика күніне орай Вашингтондағы Қазақстан Елшілігінде «ашық есік» күні өтіп, арнайы мерекелік кеш ұйымдастырылды. АҚШ-тағы отандастарымыз бен шетелдік қонақтар үшінші жыл қатарынан өтіп жатқан бұл шараға белсене қатысты. Кеште «Сармат» этно-фольклЁрлық ансамблі өнер көрсетіп, көрермендердің ыстық ықыласына бөленді. Меймандар кештен алған әсерлерімен бөлісіп, Қазақстанға шынайы лебіздерін білдірді.
Джейкоб, Вашингтон тұрғыны:
Сіздерді Республика күнімен шын жүректен құттықтаймын. Бүгінгі кеш маған қатты ұнады. Әсіресе ұлттық киімдеріңіз өте әдемі екен. Ұлттық тағамдарыңыз, дәстүрлі әндеріңіз бен күйлеріңіз бізді қайран қалдырды. Мен Қазақстанға барғым келіп кетті.
Пайпер Мен Мира, Вашингтон тұрғындары:
Бізге жылқының еті қатты ұнады. Біз екі ай бұрын Қазақстанға барып, алғаш рет сол жерде жеп көрген едік. Ол сапарымыз толықтай көңілімізден шықты. Қазақстан керемет ел екен.
Жалғас Сәдібекұлы
