Жаңалықтарды Telegram арнамыздан оқыңыз!
«Air Astana» әуе компаниясы қысқы кестеге ауысып, мауысымды танымал халықаралық бағыттармен толықтырды. Жаңа маусымда компания Атырау мен Дубай арасында аптасына екі рет орындалатын тікелей рейс ашты. Сонымен қатар Алматы-Дубай арасындағы рейстер саны аптасына 11-ге, ал Астанадан Дубайға 9-ға дейін ұлғайды. Міне, бүгіннен бастап Астанадан Абу-Дабиге тікелей рейс ашылып, алғашқы жолаушылар жөнелтілді. Толығырақ сюжеттен көріңіз.
Бүгін «Air Astana» әуе компаниясының тұрақты жолаушылары үшін қуанышты күн. Себебі, Астана - Абу-Даби бағытында тікелей рейс ашылды.
Халықаралық әуежай басшылығы жаңа бағыт екі ел арасындағы туризмді дамытуға серпін береді деп санайды. Әсіресе, араб жұртының Астанаға жиі келуіне үлкен мүмкіндік болмақ.
Али Алкааби, Terminals Astana airport management басқарушы компаниясы директорының орынбасары:
«Air Astana» әуе компаниясы Астанадан Абу-Дабиге рейстерді бастайтынын хабарлаймыз. Біз Абу-Даби әуежайымен рейс ұйымдастыру және қабылдау туралы ұзақ талқылаулар жүргіздік. Енді Airbus A321 ұшағымен рейстер орындалады. Бұл бастама туристік бағытты дамытуға септігін тигізетініне сенімдіміз.
30-дан астам халықаралық бағыт бойынша жолаушы тасымалдайтын отандық әуе компаниясы Абу-Дабиге қатынайтын ұшақтар тұтынушы көңілінен шығатынына сенімді. Себебі...
Руслан Пыштанов, «Нұрсұлтан Назарбаев халықаралық әуежайы» АҚ басқарма төрағасының бірінші орынбасары:
Астана, Абу-Даби бағытында эконом санаттағы рейстер қазірдің өзінде орындалып жатыр. Ал бұл жаңа бағыт бизнес-класс жағдайында ұшатын болады. Яғни, жолаушылар билет сатып алу кезінде эконом немесе бизнес класс арасынан таңдау жасай алады. Яғни жоғары жайлылықпен ұшуға мүмкіндік бар.
Астана, Абу-Даби бағытындағы алғашқы рейске 150 жолаушы билет алған. Олар бұл күнді асыға күткенін айтады.
Гаухар Әлиева, қала тұрғыны:
Бүгін Астана, Абу-Даби алғашқы рейсінің ең бірінші жолаушылары болып ұшып бара жатырмыз, өте қуаныштымыз. Күзгі демалыс басталды. Дәл осы рейсті біз күттік.
Рейстер аптасына екі рет, сәрсенбі және сенбі күндері орындалады. Ұшу уақыты 4 сағат 10 минут. Билет сатып алу немесе рейс туралы толық ақпаратты компанияның ресми сайтынан біле аласыз.
Серік Жұмабек
