Жаңалықтарды Telegram арнамыздан оқыңыз!Астанада «Ақын, ұлт қайраткері – Сәкен Сейфуллин» тақырыбында әдеби-сазды кеш өтті. Сәкен Сейфуллин атындағы Қазақ агротехникалық зерттеу университетінің «Ақ желкен» театры дайындаған «Ақын мен ажал» қойылымы сахналанды.
Шара барысында қайраткердің ХХ ғасырдың басындағы қазақ тарихына, музыкасына қатысты соңғы кезде табылған еңбектері жайында айтылды.
Марат Оралбайұлы, С.Сейфуллин музейінің директоры:
Авиация негізін қалаған Сәкен. Соның құжаттары табылып отыр. Ең қызығы, қыл қобызбен тартқан күйлерін білмейді екенбіз. Сол қыл қобызбен тартқан екі күйі табылып отыр. «Сарыарқа», «Әупілдек» деген. Мәселен алғашқы 22 жылы жер кодексін жазғаны, патша заманында кетіп қалған жерлерді елге қайтарғаны. Сондықтан әр шара сайын әр қырынан ашылып жатыр деп айтуға болады.
Серік Жұмабек
