Жаңалықтарды Telegram арнамыздан оқыңыз!Алматыда «Абай» баспасынан жарық көрген 155 кітап таныстырылды. Туындылар әлемдік сұранысқа сай, заманауи үлгіде, бояуы бай, бірегей дизайнда жасалған. Көркем әдебиеттен бөлек баспаның қоржыны биыл құнды діни-рухани бағыттағы, тарих саласы бойынша қызықты кітаптар мен ауыз әдебиетінің жауһарларымен толыққан. Баспада қазақ әдебиетінің классик ақын-жазушыларының шығармаларынан жасақталған бірегей туындылармен қатар балалар мен жасөспірімдерге арналған тың шығармалар да жарық көрді. Шарада «Абай» баспасы қазақ авторлары мен отандық баспалар үшін электрондық және аудиокітаптар жарияланатын бірегей интернет платформаны таныстырды. «Bookstagram» деп аталатын мобильдік қосымша арқылы енді қалың оқырманға қазақ кітаптары қолжетімді болмақ.
Мұрат Шаймаран, ақын:
Бұның өзі біз үшін үлкен мәртебе, қуаныш деп есептеймін. «Абай» баспасының үлкен жобаларды атқарып отырғаны кітап өндірісіне, қаламгерлердің кітабының кең таралуына жол ашып жатқан сияқты. Болашағы нұрлы деп ойлаймын.
Жазира Оразқызы
