Жаңалықтарды Telegram арнамыздан оқыңыз!Алматыда Құрманғазы атындағы Қазақ ұлттық консерваториясының 80 жылдығына арналған халықаралық ғылыми-практикалық конференция өтті.
«Жаһандық әлемнен кейінгі өнер: метадәстүрден метамәдениетке дейін» атты жиында қазақ музыкасының бұрыны мен бүгіні, жалпы даму жолы талқыланды. Сондай-ақ дәстүрлі ән өнерін сақтау және оны оқыту әдістері сөз болды. Ғылыми шараға Австрия, Беларусь, Қытай, Ресей және Өзбекстан секілді шет мемлекеттерден де кәсіби мамандар арнайы келді. Консерваторияның мерейтойы аясында шақырылған шетелдік ғалымдар алдағы уақытта әр түрлі шеберлік сағаттарын өткізбек. Одан бөлек еліміздің шығармашылық жоғары оқу орындарының ректорлары, ірі мәдениет қайраткерлері баяндама жасайды.
Раушан Нұртаза, Қазақ ұлттық өнер университеті ректорының міндетін атқарушы:
Бүгінгі конференцияның кілт сөзі – мета. Мета деген білеміз, бүкіл әлем бір-біріне жақынырақ болады. Себебі ғаламтор өте үлкен әсер еткен. Осы мета мәдениетте ұлттық құндылықтарды жою өте тез. Қазақ өнерінде, музыкалық әлемде, қалай құндылықтарды сақтап болашаққа барамыз. Конференция мәні сол.
Ернұр Медет
