Жаңалықтарды Telegram арнамыздан оқыңыз!Отандық сарапшылар мен алыс-жақын шетелден келген зерттеушілер бас қосып, ғылыми ынтымақтастықты нығайту және жаһандану жағдайындағы ғылым мен білімнің күрделі мәселелерін талқылады. Аталған тақырыптар Құсайынов оқулары: «ХХІ ғасырдағы ғылым және білім» конференциясында қозғалды. Басқосуда білімнің заманауи мәселелері, құқықтық жүйе және қазіргі қоғам, ел экономикасының қазіргі проблемалары мен даму тенденциялары сөз болып, түрлі ұсыныстар айтылды. Енді жаһандық тұрақсыздық жағдайындағы дамудың жаңа стратегияларына ерекше назар аударылмақ. Ал жиын қорытындысы бойынша, Халықаралық ғылыми-тәжірибелік конференция материалдарының жинағы шығарылады.
Рахман Алшанов, экономика ғылымдарының докторы:
Бүгінгі баяндамалардың бәрі, негізі жастарға арналған. Біз тәжірибемізбен бөлісіп, байытып, осындай жолдар бар, жастар соған көңіл бөліңдер, сендер осыны іске асыратын. Осы Амангелдінің жолы осы – ел дамысын, өссін деген арманы болды ғой. Қазір дарынды жастар көп бізде, білікті жастар. Бірақ оларға ой салып, қалыптастырып, білім саласы, ғылым саласы қалай дамыту керектігіне жол көрсету.
Темірлан Нұрсолтан
