Жаңалықтарды Telegram арнамыздан оқыңыз!Химия-физика, биология, математика және қорғаныс саласында жаңа жобалар жасаған өнертапқыштар марапатталды. Бүгін Әділет министрлігі ұйымдастырған «Шапағат-2024» байқауының жеңімпаздары анықталды. 7 аталым бойынша жеті өнертапқыштың жұмысы үздік деп танылып, оларға дипломдар мен демеушілер есебінен 1 млн теңгеден сыйақы берілді.
Жыл сайын ұйымдастырылатын байқауға биыл 100 өнертапқыш қатысқан. Білім мен қажырлы еңбек сарапқа салынатын сайыстың бір ерекшелігі оған түрлі жастағы азаматтар қатыса алады. Ал артықшылығына келсек, осы байқау арқылы өнертапқыштар өз туындыларын өндіріске енгізуге мүмкіндік алады.
Айта кету керек, жарыс 2004 жылдан бері ұйымдастырылып келеді. Осы уақыт аралығында 200 жеңімпаз анықталған. Қазір солардың 80 пайызының ісі өрге домалаған.
Айдын Артықова, ҚР Әділет министрлігінің Ұлттық зияткерлік меншік институты директорының орынбасары:
Өнертапқыштардың өнертабысын кеңінен танымал етеді. Мүмкін ірі инвесторлар табылуы мүмкін. Өйткені бұл шара телеарналардан, әлеуметтік желілерден көрсетілгендіктен, бұл байқау әрбір өнертапқыштың табысының танымал болуына себепкер болады.
Нұрсұлтан Тілектес
